لێکۆڵینەوەیەکی ئاژانسی ڕۆیتەرز دەریخستووە، لە ساڵی ڕابردووەوە قاچاخچێتی نەوت لە کوردستانەوە بۆ ئێران پەرەی سەندووە و بەرپرسانی پارتی دیموکراتی کوردستانی بنەماڵەی بارزانی سوودەکانی دەچنن. بەپێی لێکۆڵینەوەکان وا بیردەکرێتەوە کە زیاتر لە هەزار تانکەر ڕۆژانە لانیکەم ٢٠٠ هەزار بەرمیل نەوتی داشکاندنی بۆ ئێران و تا ڕادەیەکی کەمتر بۆ تورکیا دەگوازنەوە. پێدەچێت ئەم بازرگانییە مانگانە نزیکەی ٢٠٠ ملیۆن دۆلار قازانج بکات. پێدەچێت ئەو ئاشکراکردنانە گرژییەکانی نێوان هەولێر و واشنتۆن دی سی زیاتر بکەن و پێدەچێت بەرپرسانی ئەمریکی هەڵسەنگاندن بۆ ئەوە بکەن کە ئایا ئەو بازرگانییە سزا ئابوورییەکانی سەر ئێران پێشێل دەکات یان نا.
ڕاپۆرتەکەی ڕۆیتەرز ئاماژەی بەوەشکردووە: دوانزە کەس وتوویانە بەرپرسانی دوو پارتی دەسەڵاتداری کوردستان، پارتی دیموکراتی کوردستانی خێڵی بارزانی و یەکێتیی خێڵی تاڵەبانی، سوودمەند بوون [لە قاچاخچێتیەکە]”.
